"ლიბერთი ბანკი" "რადიო თავისუფლებასთან" აცხადეს, რომ ამ ეტაპზე საქართველოს ყოფილი გენერალური პროკურორი, ოთარ ფარცხალაძე მათი კლიენტი არ არის და სანქციების დაწესების მომენტშიც არ ყოფილა.

"დღევანდელი მონაცემებით, ჩვენი კლიენტი არ არის", - აცხადებენ ბანკში.

გუშინ, 19 სექტემბერს საქართველოს ეროვნულმა ბანკმა, გამონაკლისი დაუშვა საქართველოს მოქალაქეებისთვის და სანქციათა რეჟიმების შესრულების წესი შეცვალა. გადაწყვეტილების შედეგად აშშ-ის მიერ სანქცირებულ ოთარ ფარცხალაძეს საბანკო ანგარიშებზე წვდომის შესაძლებლობა მიეცა.