სამოქალაქო აქტივისტები პარლამენტთან სიმბოლურად კარვებჩამოცმულები მივიდნენ.

"უთხარი არა რუსულ კანონს" - საქართველოს პარლამენტთან აქცია იმართება. კარვები, დროშები, საყვირები, ხმის გამაძლიერებლები და ბანერებიც - ყველა ის ატრიბუტიკა, რომელიც დღის ბოლოს დიდი ალბათობით უკანონო ნივთებად იქცევა,  სამოქალაქო აქტივისტებმა ისევ ქუჩაში გაიტანეს.

აქტივისტები პლენარული სხდომის პარალელურად პარლამენტის მიმდებარედ „შეკრებებისა და მანიფესტაციების შესახებ“ კანონში დაგეგმილ ცვლილებებს აპროტესტებენ.