ქსნის ციხეში პატიმარი სცემეს. ზურაბ ჩუბინიძის ოჯახი ,,პირველებს" უყვება, რომ ახალგაზრდა მამაკაცს სასჯელაღსრულების დაწესებულებაში 10-მდე პირი ხელკეტებით ურტყამდა.

ზურაბ ჩუბინიძის დედა აცხადებს, რომ მის შვილს  სხეულის მრავლობითი დაზიანებები აქვს მიყენებული.

მაგრად სცემეს დუბინკებით, 10 კაცი სცემდა, ახლა რა მდგომარეობაშია, არ ვიცი,  მითხრეს, რომ მე-11-ე, მე-12-ე მალა აქვს დაზიანებული, გარდაცვლილ ადამიანს ჰგავს და მიწიდან ამოღებულს,  120 კილოიანი ბიჭი 60 კილოც არ არის, დაანებონ თავი, ავადმყოფი ბიჭია, -   აცხადებს პატიმრის დედა                                                                                                                                                            

ზურაბ ჩუბინიძე თავდაპირველად სასჯელს გლდანში იხდიდა, ის ცოტა ხნის წინ გადმოიყვანეს ქსნის იზოლიატორში, სადაც აღნიშნული შემთხვევა მოხდა. 

ამჯერად საკუთარი თხოვნის საფუძველზე პატიმარი უკან,  გლდანის მე-8 დაწესებულებაში დააბრუნეს.                  

სასჯელაღსრულების დეპარტამენტში აცხადებენ, რომ საკითხზე მიმდინარეობს კვლევა და ოფიციალური პოზიცია რამდენიმე საათში გახდება ცნობილი.