გიორგი გახარია აშშ-ში ადამ კინზინგერს შეხვდა

24.06.21 16:12
გიორგი გახარია აშშ-ში ადამ კინზინგერს შეხვდა

პარტია "საქარათველოსთვის" თავმჯდომარე, გიორგი გახარია,  რესპუბლიკელ კონგრესმენს, კონგრესის წარმომადგენელთა პალატის საქართველოს ჯგუფის თანათავმჯდომარეს, ადამ კინზინგერს, შეხვდა. 

საუბარი შეეხო საქართველოში დემოკრატიის, ადამიანის უფლებების დაცვის მიმართულებით და მართლმსაჯულების სისტემაში არსებულ გამოწვევებს.
გიორგი გახარიამ და ადამ კინზინგერმა ასევე განიხილეს  19 აპრილის შეთანხმების შესრულების მნიშვნელობა. 

მხარეებმა შეხვედრაზე 2021 წელს საქართველოში დაგეგმილი ადგილობრივ თვითმმართველობის არჩევნები განიხილეს. გიორგი გახარიამ ადამ კინზინგერს  გააცნო პარტია „საქართველოსთვის“ ხედვები დემოკრატიზაციის პროცესის განმტკიცების, ძლიერი სახელმწიფო ინსტიტუტების მშენებლობის, კორუფციის წინააღმდეგ ბრძოლის, მართლმსაჯულების სისტემის დამოუკიდებლობის და ადამიანის უფლებების პრაქტიკულად დაცვის უზრუნველსაყოფად დაგეგმილი ინიციატივების შესახებ.

ინფორმაციის პრესსამსახური ავრცელებს.