რუსეთის პრეზიდენტი ე.წ. პრეზიდენტებისგან მილოცვებს იღებს. ვლადიმერ პუტინსა და ასლან ბჟანიას შორის სატელეფონო საუბარი შედგა. ამის შესახებ რუსული პროპაგანდისტული მედია წერს.

დროებით ოკუპირებული აფხაზეთის ე.წ. პრეზიდენტმა რუსეთის პრეზიდენტს საპრეზიდენტო არჩევნებში გამარჯვება გულთბილად მიულოცა და ხაზი გაუსვა, რომ კენჭისყრის შედეგებმა დამაჯერებლად აჩვენა რუსეთის მოქალაქეების ფართო მხარდაჭერა ქვეყნის სოციალურ-ეკონომიკური განვითარების, უსაფრთხოების უზრუნველყოფის და საერთაშორისო არენაზე რუსეთის პოზიციონერობის მიმართ. 

მხარეებმა კიდევ ერთხელ გამოთქვეს მზადყოფნა კიდევ უფრო გააძლიერონ ორ სახელმწიფოს შორის ურთიერთობები, რაც რუსი და აფხაზი ხალხების ინტერესებს პასუხობს. 

ბჟანიამდე პუტინს არჩევნებში გამარჯვება ოკუპირეული სამხრეთ ოსეთის ე.წ. პრეზიდენტმაც მიულოცა.

სამხრეთ ოსეთის რესპუბლიკის მთელი ხალხის სახელით და ჩემი სახელით გილოცავთ არჩევნებში ბრწყინვალე გამარჯვებას და რუსეთის ფედერაციის პრეზიდენტის პოსტზე ხელახლა არჩევას!

თქვენი დამსახურებით ქვეყანამ უზარმაზარი ნახტომი განიცადა გავითარების თვალსაზრისით. თქვენი დაუღალავი შრომა ეკონომიკის განვითარების, უმუშევრობის შესამცირებლად და მოქალაქეთა კეთილდღეობის უზრუნველსაყოფად, აღფრთოვანებასა და აღიარებას იმსახურებს.

ეჭვი არ მეპარება, რომ ჩვენს მოძმე ხალხებს შორის ტრადიციულად კარგი და სანდო ურთიერთობა, რომელიც დაფუძნებულია მრავალსაუკუნოვან მეგობრობაზე, გაგრძელდება და აქტიურად განვითარდება რუსეთის ფედერაციისა და სამხრეთ ოსეთის რესპუბლიკის თითოეული მკვიდრის სასარგებლოდ, - ნათქვამია გაგლოევის მისალოც ტექსტში.