იდენთიფიცირებულია კაცი, რომელმაც გამოძიების ინფორმაციით, 21 წლის ცოლი და სიდედრი სანადირო თოფიდან გასროლით მოკლა. პოლიციამ 27 წლის გიორგი პირაშვილი რამდენიმე საათის წინ აიყვანა. 

შსს-ში ამბობენ, რომ  ბრალდებულმა ქალაქ რუსთავში, დუმბაძის ქუჩაზე, მეუღლე - 2003 წელს დაბადებული მ.ს. და მეუღლის დედა - 1976 წელს დაბადებული ი.ბ. თოფიდან გასროლით მოკლა.

სამართალდამცველებმა გ.ფ. ცხელ კვალზე, შემთხვევის ადგილზე დააკავეს.
პოლიციამ დანაშაულის ჩადენის იარაღი - სანადირო თოფი ნივთმტკიცებად ამოიღო.
ოჯახის ორი წევრის მიმართ დამამძიმებელ გარემოებაში ჩადენილ განზრახ მკვლელობის ფაქტზე გამოძიება საქართველოს სისხლის სამართლის კოდექსის 11 პრიმა 109-ე მუხლის „კ“ და „ლ“ ქვეპუნქტებით მიმდინარეობს"- წერს შსს ოფიციალურ განცხადებაში. 

"პირველების" ინფორმაციით პირაშვილმა დანაშაული აღიარა და პოლიციას თავად ჩაბარდა.