მსვლელობა გრძელდება - "მარჯანიშვილიდან" დაძრული აქციის მონაწილეები ფილარმონიასთან იმყოფებიან
ამ წუთებში მეტროსადგურ "მარჯანიშვილიდან" დაძრული ადამიანები ფილარმონიის საკონცერტო დარბაზთან იმყოფებიან.
პროტესტის ავანგარდში მოქცეულმა მოქალაქეებმა კოსტავას ქუჩაზე მას შემდეგ გადაინაცვლეს, რაც ათონელის რეზიდენციასთან მივიდნენ და საქართველოს პრეზიდენტს ისტორიის სწორ მხარეს დგომისთვის მადლობა გადაუხადეს.
ევროპული ღირებულებების გარშემო გაერთიანებული ადამიანები გეგმავენ, რომ ფილარმონიის მიმდებარე ტერიტორიაზე რამდენიმე წუთის განმავლობაში გაჩერდნენ, პოლიტიკური განცხადებები გაახმოვანონ და შემდეგ მეტროსადგურ "სახელმწიფო უნივერსიტეტიდან" წამოსულ მოძრაობას შეუერთდნენ.
"არა რუსულ არჩევნებს - არა რუსულ რეჟიმს" - დედაქალაქში აქცია-მსვლელობა მიმდინარეობს. მოქალაქეები და ოპოზიციის ლიდერები ქალაქის ორ ლოკაციაზე - მეტროსადგურ სახელწიფო უნივერსიტეტის და მეტროსადგურ მარჯანიშვილის მიმდებარე ტერიტორიებზე შეიკრიბნენ და სწორედ ამ ორი ლოკაციიდან დაიწყეს მსვლელობა.
მსგავსი სიახლეები
ლაითურის ციხეში პოლიციას ელოდებიან - ადვოკატის თქმით, პატიმრის შესაძლო გაუპატიურების საქმის მოწმესთან შეხვედრის ჩანაწერებს არ აძლევენ
ლაითურის ციხეში, პატიმარ გიორგი დავითაძის ადვოკატი იმ მსჯავრდებულთან იყო შესული, რომელიც ამტკიცებს, რომ პატიმრის გაუპატიურების საქმის ოქროს მოწმეა