არალეგიტიმურმა პარლამენტმა "საჯარო სამსახურის შესახებ" კანონში ცვლილებების თაობაზე კანონპროექტი მესამე მოსმენით მიიღო. 

• საკითხი პლენარულ სხდომაზე იურიდიულ საკითხთა კომიტეტის არალეგიტიმურმა თავმჯდომარემ, არჩილ გორდულაძემ წარადგინა.

ცვილებების მიხედვით, საჯარო დაწესებულების პირველადი სტრუქტურული ერთეულის ხელმძღვანელთან და მის მოადგილესთან იდება ადმინისტრაციული ხელშეკრულება (კანონის მე-3, 78-ე მუხლები);

ამასთან, პირველადი სტრუქტურული ერთეულის ხელმძღვანელის და მისი მოადგილის უფლებამოსილების ვადა განისაზღვრება სახელმწიფო-პოლიტიკური თანამდებობის პირის, მუნიციპალიტეტის მერის და შესაბამისი დაწესებულების ხელმძღვანელის უფლებამოსილების ვადით. სახელმწიფო-პოლიტიკური თანამდებობის პირის, მუნიციპალიტეტის მერის და შესაბამისი დაწესებულების ხელმძღვანელის უფლებამოსილების შეწყვეტა ავტომატურად იწვევს პირველადი სტრუქტურული ერთეულის და მისი მოადგილის უფლებამოსილების შეწყვეტას (კანონის 82 (2) პუნქტი, 82 (1) „დ“ ქვეპუნქტი).