იდენტიფიცირებულია პოლიციელი, რომელმაც ხანჯლით და ბიტით შეიარაღებული თავდამსხმელები არ დააკავა
პოლიციელი, რომელმაც ხანჯლით და ბიტით შეირაღებული თავდამსხმელები არ დააკავა და დანაშაულის ადგილის დატოების უფლება მისცა, გიორგი მამუჩიშვილია.
დღეს თბილისში საპროტესტო მსვლელობის დროს აქციის მონაწილეებს თავს ორი პირი დაესხა, ერთი ხანჯლით შეიარაღებული იყო, მეორე ბიტით. დანაშაულის ადგილზე იმყოფებოდა შს სამინისტროს საპატრულო პოლიციის თანამშრომელი.
გადაღებულ კადრებში ჩანს, რომ შეირაღებულ თავდამსხმელებს გიორგი მამუჩიშვილი არ აკავებს და დანაშაულის ადგილის დატოვების საშუალებას აძლევს.
ვიდეომასალით დგინდება, რომ ერთ-ერთი თავდამსხმელი თავად პოლიცილეზეც კი ძალადობს, თუმცა რეაგირება ამას არ მოჰყოლია.
