"არ დავთმობთ თავისუფლებას" - ახალციხეში საპროტესტო აქცია მიმდინარეობს
გორის პარალელურად, ამ წუთებში საპროტესტო აქცია ახალციხეშიც იმართება - მოქალაქეები ქუჩაში უცვლელი მოთხოვნებით გამოვიდნენ.
"არ დავთმობთ თავისუფლებას" - სკანდირებენ პროტესტის ავანგარდში მოქცეული ადამიანები, რომლებიც ხელახალი საპარლამენტო არჩევნების დანიშვნას და რეჟიმის ტყვეების გათავისუფლებას ითხოვენ.
მოქალაქეები ქუჩაში საქართველოს დროშებით ხელში დგანან, ასევე მიტანილი აქვთ სხვადასხვა შინაარსის მქონე ტრანსფარანტებიც.
