„ქართული ოცნება" კომუნისტური ვიეტნამის დელეგაციიას მასპინძლობს - თბილისში ჩამოსულ ვიეტნამის სოციალისტური რესპუბლიკის ვიცე-პრეზიდენტს, ვო თჰი ან სუანის საერთაშორისო აეროპორტში მაკა ბოჭორიშვილი დახვდა.

ვიეტნამის მთავრობის წარმომადგენელს შეხვდა ირაკლი კობახიძეც.

მთავრობის ადმინისტრაციის ცნობით, მხარეებმა პოლიტიკური და ეკონომიკური თანამშრომლობის გაღრმავებაზე, ვაჭრობაზე, ტურიზმსა და შუა დერეფნის შესაძლებლობებზე ისაუბრეს.

ვიზიტის ფარგლებში საქართველოსა და ვიეტნამის სოფლის მეურნეობის სამინისტროებმა ამ სფეროში თანამშრომლობის შესახებ მემორანდუმი გააფორმეს.

ცნობისთვის, ვიეტნამი ერთ-ერთია მსოფლიოს რამდენიმე ქვეყნიდან, სადაც ხელისუფლებაში კომუნისტური პარტიაა.