"როსსელხოზნადზორის" ინფორმაციით, მათი დელეგაცია თბილისშია და  საქართველოს გარემოს დაცვისა და სოფლის მეურნეობის სამინისტროს, სურსათის ეროვნული სააგენტოს წარმომადგენლებს შეხვდა.

მხარეებმა განიხილეს თანამშრომლობის გაფართოება და ორი ქვეყნის ბაზრებზე ახალი სახის საქონლის დაშვება - წერს "როსსელხოზნადზორი" ოფიციალურ განცხადებაში, რომელიც დღეს 22 ოქტომბერს გამოაქვეყნა.

ამავე უწყების ინფორმაციით, 2026 წლის ნოემბრიდან საქართველოს 2 რძის გადამამუშავებელი საწარმო მიიღებს რუსეთის ბაზარზე შესვლის უფლებას. 

ირკვევა, რომ საქართველო ყიდულობს რუსულ ვაქცინებს ცხოველთა დაავადებების წინააღმდეგ.  2027 წლის პირველ კვარტალში იგეგმება 1 მილიონზე მეტი დოზის მიწოდება.

რუსული დელეგაცია თბილისში WOAH ( ცხოველთა ჯანმრთელობის მსოფლიო ორგანიზაცია)  რეგიონულ სემინარში მონაწილეობის მისაღებად ჩამოვიდა.