მომღერალი სოფო ბათილაშვილი „ოლე ოლას“ სიმღერის „ფეისბუკზე“ გამოქვეყნების გამო 3000 ლარით დააჯარიმეს . გადაწყვეტილება დღეს, 12 ნოემბერს, მოსამართლე კობა ჩაგუნავამ გამოაცხადა.

შსს-ს წარმომადგენელთა პოზიციით, სიმღერა „ოლა ოლა“, როგორც უწმაწური სიტყვების შემცველი ნაწარმოები, შეურაცხმყოფელია როგორც ფართო საზოგადოებისთვის, ისე კონკრეტულად „ქართული ოცნების“ მხარდამჭერებისთვის. შსს-მ სასამართლოს მოქალაქეთა მიმართვები წარუდგინა, სადაც მათი თქმით, ამ სიმღერის გამო მომხდარ უთანხმოებებზეა შეტყობინებები გაკეთებული.

• ცნობილი საპროტესტო სიმღერა „ოლა ოლა“-ს ინტერპრეტირებული ვერსია მომღერალმა 8 ოქტომბერს განათავსა სოციალურ ქსელში, სამართალდარღვევის ოქმი კი ამ პოსტზე 21 ოქტომბერს შეადგინა შსს- სიძულვილთან ბრძოლის დეპარტამენტის თანამშრომელმა თამარ რეზესიძემ.

"მოვედით  იქამდე, სადაც სიმღერების სია შეიძლება შემოგვთავაზონ ... საქალაქოში მოისმინეს "ოლე ოლა" ჩემი თანდასწრებით, ჩემი შესრულებული  - ვიდრე საქმის მასალებს გავეცნობოდი ვფიქრობდი, რომ იქნებ რამე ჰარმონია არ მოეწონათ" - ამბობს სოფო ბათილაშვილი სხდომის დასრულების შემდეგ.