სავალუტო ბიზნესში ჩართვის დაპირებით მოქალაქეებს 187 956 ლარი გაოსძალა - დაკავებულია 1 პირი

21.11.26 13:36
სავალუტო ბიზნესში ჩართვის დაპირებით მოქალაქეებს 187 956 ლარი გაოსძალა - დაკავებულია 1 პირი

დიდი ოდენობით თანხის თაღლითურად დაუფლების ბრალდებით ერთი პირი დააკავეს. ინფორმაციას შსს ავრცელებს.

უწყების ცნობით, ბრალდებულმა ორ მოქალაქეს სავალუტო ბიზნესში ინვესტირება და ყოველთვიური მოგების მიღება შესთავაზა, სანაცვლოდ კი მათგან ჯამში 187 956 ლარი მიიღო. გამოძიების ინფორმაციით, მამაკაცმა ნაკისრი ვალდებულებები არ შეასრულა და თანხა თაღლითურად მიითვისა.

დანაშაული 9 წლამდე პატიმრობას ითვალისწინებს.

შინაგან საქმეთა სამინისტროს თბილისის პოლიციის დეპარტამენტის საგამოძიებო მთავარი სამმართველოს თაღლითობის წინააღმდეგ ბრძოლის სამმართველოსა და დეტექტივების მთავარი სამმართველოს თანამშრომლებმა, დიდი ოდენობით თანხის თაღლითურად დაუფლების ბრალდებით, ერთი პირი დააკავეს.

კომპლექსურად ჩატარებული საგამოძიებო მოქმედებების შედეგად დადგინდა, რომ ბრალდებულმა ორ მოქალაქეს სავალუტო ბიზნესში ჩართვა და ყოველთვიური მოგების მიღება შესთავაზა, ამ მიზნით კი მათ სხვადასხვა ოდენობის თანხა გამოართვა. თუმცა, ბრალდებულმა შეთანხმების პირობები არ შეასრულა და მოტყუებით, მართლსაწინააღმდეგოდ დაეუფლა მათ კუთვნილ თანხას, ჯამში - 187 956 ლარს.

სამართალდამცველებმა ჩატარებული საგამოძიებო მოქმედებების შედეგად მამაკაცი მოსამართლის განჩინების საფუძველზე დააკავეს. 

გამოძიება საქართველოს სისხლის სამართლის კოდექსის 180-ე მუხლის მე-3 ნაწილით მიმდინარეობს, რაც 9 წლამდე ვადით თავისუფლების აღკვეთას ითვალისწინებს, - ნათქვამია უწყების განცხადებაში.