საფრანგეთში მოკლული საქართველოს მოქალაქის, ალექს გოგუას, სამშობლოში გადასვენება უახლოეს პერიოდში მოხდება. მოლაპარაკება საფრანგეთის ხელისუფლებასთან აღნიშნულ საკითხზე ინტენსიურად მიმდინარეობს. იმის გამო, რომ ოჯახს ფინანსური საშუალება არ გააჩნია, პასუხისმგებლობას მთლიანად საგარეო საქმეთა სამინისტრო იღებს. 

ალბათ, 2 დღეში ჩამოასვენებენ. არაჩვეულებრივი ბიჭი იყო. მეტროსთან ვიღაცას მისი ცოლისთვის ტელეფონი ამოუცლია და რომ მოითხოვა, ეს ფაქტი მოხდა, 6 საათი უკეთებდნენო გულზე ოპერაციას. 3 ადგილას ჰქონია პირდაპირ გულში ჩარტყმული. მეუღლეც შეესწრო ამ დაჭრას, 10 თვის დაქორწინებულები იყვნენ. - აცხადებს ალექს გოგუას მეზობელი.

მკვლელობა საფრანგეთში – ახალგაზრდა ბიჭი, რომელიც საფრანგეთში საცხოვრებლად და სამუშაოდ რამდენიმე თვის წინ მეუღლესთან ერთად წავიდა, ურთიერთშელაპარაკების დროს ცივი იარაღით დაჭრეს, რის შედეგადაც გარდაიცვალა.