,,ბოდიში. ასე არ გამოვა. 4 შერჩეული, მააგრამ ერთი "ზემოდან" დანიშნული ჟიურის წევრი" - პოეტმა ეკა ქევანიშვილმა კონკურს ,,ლიტერას" დატოვების გადაწყვეტილება ჟიურის გამო მიიღო. 

ძალიან უსიამოვნოა და საშიში.
ბოლომდე ვიკავე თავი რამდენიმე არგუმენტით. "ლიტერას" გულშემატკივრობით. მაგრამ არა. 
მეც ვხსნი კონკურსიდან ჩემს წიგნს - წერს სოციალურ ქსელში ეკა ქევანიშვილი.

ლიტერატურული პრემია „ლიტერას“  დებულების თანახმად, საკონკურსო წიგნებს 5 წევრიანი ჟიური შეაფასებს. წელს პირველად ჟიურის 5 წევრიდან  4 მწერალთა სახლმა შეარჩია, ხოლო მეხუთე - საქართველოს კულტურის, სპორტისა და ახალგაზრდობის სამინისტრომ.

 ლიტერატურული პრემია „ლიტერას“ ჟიურის შემადგენლობა ასეთია:
ბელა წიფურია - ლიტერატურათმცოდნე
რეზო თაბუკაშვილი - მწერალი
ლელა კოდალაშვილი - მწერალი,  კრიტიკოსი
ოქტაი ქაზუმოვი - ლიტერატურათმცოდნე, მთარგმნელი
იოსებ ჭუმბურიძე - პუბლიცისტი
 
 ავტორების სურვილის გათვალისწინებით, ლიტერატურული პრემია „ლიტერას“ კონკურსიდან მოიხსნა წიგნები: ტორესა მოსი - „ორდროშობანა“; „ინტელექტი“ (ნომინაცია - წლის საუკეთესო რომანი);
მათე სარალიშვილი - „მივიწყებულნი“; „სულაკაურის გამომცემლობა“ (ნომინაცია - წლის საუკეთესო დებიუტი);
ნატალია ავალიანი - „დამწყები“ / „ლაბირინთი მანუელისთვის“; „პალიტრა L“ (ნომინაცია - წლის საუკეთესო  წიგნის დიზაინი).