ზელენსკი: უკრაინა მზადაა მოლაპარაკებებისთვის - ჩვენ არ გვეშინია შეხვედრების
"უკრაინა მზადაა მოლაპარაკებების ნებისმიერი ფორმატისთვის და ჩვენ არ გვეშინია შეხვედრების, ხვალ - თურქეთში" - ამის შესახებ უკრაინის პრეზიდენტმა ვოლოდიმირ ზელენსკიმ გავრცელებულ ვიდეომიმართვაში განაცხადა.
ზელენსკის თქმით, რუსეთ-უკრაინის ომის დასრულება მსოფლიოზეა დამოკიდებული.
სამხედრო მოქმედება ჩვენი არჩევანი არ არის. ეს ჩვენი თავდაცვაა - თავდაცვა ოკუპანტის წინააღმდეგ. ამ ომის შესახებ ყველა კითხვაზე პასუხი - რატომ დაიწყო, რატომ გრძელდება - მოსკოვშია. როდის დასრულდება ომი, ეს მსოფლიოზეა დამოკიდებული. უკრაინა მზადაა მოლაპარაკებების ნებისმიერი ფორმატისთვის და ჩვენ არ გვეშინია შეხვედრების. ხვალ - თურქეთში", - ამბობს ვოლოდიმირ ზელენსკი.
შეგახსენებთ, ვოლოდიმირ ზელენსკისა და ვლადიმერ პუტინს შორის შესაძლო შეხვედრა ხვალ, 15 მაისს გაიმართება. აშშ-ის პრეზიდენტმა, დონალდ ტრამპმა შეხვედრაზე ჩასვლა არ გამორიცხა.
