Facebook-ის  დამფუძნებელი მარკ ცუკერბერგი ქსელების 8-საათიანი გათიშვის გამო ბოდიშს იხდის.  

ცუკერბერგი სოციალური ქსელის მომხმარებლებს ნდობისთვის მადლობას უხდის. 

Facebook, Instagram, Whatsapp და Messenger ბრუნდება. ბოდიში დღევანდელი შეფერხებისათვის - ვიცი, რამდენად ენდობით ჩვენს სერვისს,“ - წერს მარკ ცუკერბერგი.

Facebook, Instagram, Whatsapp და Messenger  თითქმის 8  საათის განმავლობაში მთელი მსოფლიოს მასშტაბით გათიშული იყო.

Facebook-ს ამ დრომდე არ გაუკეთებია განცხადება რა გახდა სოციალური ქსელების პარალიზების მიზეზი. 

 Insider Paper-ის ცნობით, Facebook-ის თანამშრომლებმა ოფისში შესვლაც ვერ მოახერხეს, რადგან მათი საშვები დაბლოკილი იყო. 

FORBES-ის ინფორმაციით, შეფერხების გამო მარკ ცუკერბერგის ქონება თითქმის 7 მილიარდი დოლარით შემცირდა. საიტის გათიშვის გამო მისმა აქციებმა 5%-ით იკლო.