"აუცილებელია გაგრძელდეს უკრაინის მხარდაჭერა და შენარჩუნდეს ზეწოლა რუსეთზე მანამ, სანამ მისი აგრესიული ომი გრძელდება და მანამ, სანამ არ დამყარდება მყარი და მდგრადი მშვიდობა, რომელიც პატივს სცემს უკრაინის უფლებებს" - ამის შესახებ სოციალურ ქსელში საფრანგეთის პრეზიდენტი ემანუელ მაკრონი წერს.

მაკრონი მზადყოფნას გამოთქვამს ამერიკასთან ერთად წვლილი შეიტანოს უკრაინის უსაფრთხოების გარანტიების განმტკიცებაში. 

ამ შეხვედრის დასასრულს ჩვენ გავაგრძელეთ დისკუსია ჩემს ევროპელ კოლეგებთან. ჩვენ ერთხმად ვაცხადებთ, რომ აუცილებელია უკრაინის მხარდაჭერის გაგრძელება და რუსეთზე ზეწოლის შენარჩუნება, ვიდრე მისი აგრესიის ომი გრძელდება და არ დამყარდება მყარი და ხანგრძლივი მშვიდობა. მშვიდობა, რომელიც პატივს სცემს უკრაინის უფლებებს; რომ ნებისმიერ ხანგრძლივ მშვიდობას თან უნდა ახლდეს ურყევი უსაფრთხოების გარანტიები. ამ მხრივ მივესალმები შეერთებული შტატების მზადყოფნას, წვლილი შეიტანოს. ჩვენ ამაზე ვიმუშავებთ ამერიკასთან და მსურველთა კოალიციის ყველა ჩვენს პარტნიორთან, რომლებსაც მალე კვლავ შევხვდებით კონკრეტული პროგრესის მისაღწევად. ასევე, აუცილებელი იქნება გასული 30 წლიდან ყველა გაკვეთილის გამოტანა, განსაკუთრებით რუსეთის მიერ საკუთარი ვალდებულებების შეუსრულებლობის კარგად ჩამოყალიბებული ტენდენციიდან“, – აღნიშნა მაკრონმა.

საფრანგეთის პრეზიდენტის თქმით, ევროპელი ლიდერები გააგრძელებენ დონალდ ტრამპსა და ვოლოდიმირ ზელენსკისთან მჭიდროდ მუშაობას ინტერესები დასაცავად, ერთიანობისა და პასუხისმგებლობის სულისკვეთებით.

„საფრანგეთი მტკიცედ რჩება უკრაინის მხარეს“, – წერს ემანუელ მაკრონი.

• ცნობისთის, აშშ-ის პრეზიდენტ დონალდ ტრამპისა და რუსეთის პრეზიდენტ ვლადიმერ პუტინის პრესკონფერენცია შეთანხმების გამოცხადების გარეშე დასრულდა.

დაახლოებით 12 წუთიანი საუბრის განმავლობაში ლიდერს პრეზიდენტებმა ილაპარაკეს პროგრესზე, თუმცა შეთანხმების საკითხები თუ დეტალები არ გამოუცხადებიათ. 

ამის შემდეგ, ამერიკის პრეზიდენტმა, დონალდ ტრამპმა ვლადიმერ პუტინთან შეხვედრის შემდეგ FOX News-სთან ექსკლუზიური ინტერვიუში განაცხადა, რომ "იგეგმება ზელენსკისა და პუტინის შეხვედრა, რომელსაც, შესაძლოა, თავადაც დაესწროს".  

ტრამპს შეხვედრის შესაძლო თარიღზე, ადგილმდებარეობაზე ან სხვა დეტალებზე არ უსაუბრია, თქვა, რომ "ახლა ყველაფერი ვოლოდიმირ ზელენსკიმ უნდა გადაწყვიტოს". ამის შემდეგ, უკვე დღეს ტრამპი ესაუბრა უკრაინის პრეზიდენტსაც. ზელენსკიმ განაცხადა, რომ მხარს უჭერსპრეზიდენტ ტრამპის წინადადებას უკრაინა-ამერიკა-რუსეთის სამმხრივ შეხვედრაზე.

ზელენსკი ორშაბათს ვაშინგტონში ჩადის - უფრო მეტი დეტალი უკვე ზელენსკის და ტრამპის შეხვედრის შემდეგ გახდება ცნობილი.