თავდასხმა ГРУ-ს უფროსის მოადგილეზე -  რუსეთმა ეჭვმიტანილი პირი დააკავა. სისხლის სამართლის საქმე აღიძრა მკვლელობის მცდელობისა და იარაღის უკანონო ფლობის ბრალდებით.

„კომერსანტის“ ცნობით, დაკავებული უკვე დაკითხვაზეა, ხოლო წინასწარი პატიმრობის შესახებ მოსმენა კვირას, 8 თებერვალს არის მოსალოდნელი. 

Telegram-ის არხები Mash-ი და Baza აცხადებენ, რომ პირი, ვინც გენერალ ვლადიმირ ალექსეევს ესროლა, „დუბაიდან ჩამოიყვანეს“.

Telegram-ის არხების ცნობით, დაკავებულია თანამზრახველიც. ეჭვმიტანილის ვინაობის ან თავდასხმის სავარაუდო ორგანიზატორების შესახებ ინფორმაცია ჯერ არ არსებობს.

რაც შეეხება გენერლის მდგომარეობას, მას ოპერაცია ჩაუტარდა და უკვე გონს მოვიდა.