აშშ-ის პრეზიდენტის სპეციალური წარმომადგენელი სტივ უიტკოფი აცხადებს, რომ ვლადიმირ პუტინსა და ვოლოდიმირ ზელენსკის შორის შეხვედრის გამართვის სერიოზული მოლოდინი არსებობს. მისი თქმით, ლიდერებს შორის მოლაპარაკებაზე მთავარი აქცენტი ტერიტორიულ საკითხებსა და შეთანხმების დამტკიცებაზე გაკეთდება.

ჩვენ დიდად გვჯერა ამ შეხვედრის, ვთვლით, რომ ნაწილობრივ ჩვენ ვცდილობდით გადაგვეჭრა ყველა სხვა საკითხი, შემდეგ კი ლიდერებისთვის ტერიტორიის საკითხი დაგვეტოვებინა. დიახ, ჩვენ დიდი სამუშაო გვაქვს ტერიტორიებზე, გვჭირდება გადავხედოთ ყველა განსხვავებულ კონცეფციას,- თქვა უიტკოფმა.

უიტკოფის განცხადებით, აშშ მიიჩნევს, რომ ვლადიმირ პუტინისა და ვოლოდიმირ ზელენსკის შეხვედრაზე შესაძლებელი იქნება როგორც უსაფრთხოების გარანტიების, ისე ტერიტორიული საკითხების განხილვა.

"საკითხების დადასტურება, რომლებსაც განვიხილავდით: კეთილდღეობა, ეკონომიკური ზრდა და კრედიტის შესაძლებლობები უკრაინული სისტემისთვის. ამიტომაც, შეხვედრა [ჩატარების შემთხვევაში] მოიცავდა უსაფრთხოების გარანტიებსაც. მაგრამ, რაც ყველაზე მნიშვნელოვანია, ის მოიცავდა ტერიტორიის საკითხს. ამიტომ, ჩვენ ამის ძალიან გვჯერა." - თქვა უიტკოფმა უკრაინული მედიის ცნობით.

მან ასევე აღნიშნა, რომ ამ კვირაში უკრაინის დელეგაციის ხელმძღვანელს, რუსტემ უმეროვს შეხვდება. შეხვედრა ჟენევაში გაიმართება.