რუსეთის პრეზიდენტი ვლადიმერ პუტინი და ბელარუსის ლიდერი ალექსანდრე ლუკაშენკო ვალდაიში, რუსეთის პრეზიდენტის რეზიდენციაში შეხვდნენ. მოლაპარაკებები დახურულ ფორმატში გაიმართა და კრემლის განცხადებით, შეხვედრის დასრულების შემდეგ არც ერთობლივი განცხადებები და არც დოკუმენტების ხელმოწერა არ იგეგმებოდა.

ოფიციალური ინფორმაციით, ლიდერებმა ბელარუს-რუსეთის თანამშრომლობა, ეკონომიკური პროექტები და რეგიონული უსაფრთხოების საკითხები განიხილეს.

შეხვედრა უკრაინასა და ბელარუსს შორის ბოლო დღეებში გამწვავებული დაძაბულობის ფონზე გაიმართა. მანამდე უკრაინის პრეზიდენტმა ვოლოდიმირ ზელენსკიმ მინსკი რუსეთის სამხედრო ოპერაციების მხარდაჭერაში დაადანაშაულა, ხოლო კრემლმა კიევი ბელარუსის სუვერენიტეტის ხელყოფის მცდელობაში დაადანაშაულა.