2026 წლის მეორე კვარტალში ევროკავშირიდან ქვეყნებიდან საქართველოს 2 140 მოქალაქე გამოაძევეს - მონაცემებს Eurostat-ი ავრცელებს.

ეს ნიშნავს, რომ  ევროკავშირის არამოქალაქეთა შორის, რომლებზეც ბლოკის ტერიტორიის დატოვების ბრძანება გაიცა, საქართველოს 2 140 მოქალაქეა. 

მთლიანობაში, წლის მეორე კვარტალში ევროკავშირის ქვეყნებმა 110 335 არამოქალაქეს უბრძანეს ბლოკის დატოვება, ხოლო მესამე ქვეყნებში 36 825 ადამიანი დააბრუნეს.

გაძევებულებს შორის უმეტესობა ალჟირის (10 390), მაროკოს (6 200) და სირიის (5 180), ხოლო მესამე ქვეყნებში დაბრუნებულთა შორის უმეტესობა თურქეთისა (3 765) და სირიის (2 770) მოქალაქეა.

ევროკავშირის არაწევრი ქვეყნების მოქალაქეების ყველაზე მაღალი რაოდენობა, რომლებსაც ქვეყნის დატოვება უბრძანეს, საფრანგეთში (32 420), პორტუგალიასა (11 190) და გერმანიაში (8 160) დაფიქსირდა. მესამე ქვეყნებში დაბრუნებული ადამიანების ყველაზე მაღალი რაოდენობა გერმანიაში (8 400), საფრანგეთსა (3 825) და პოლონეთში (3 005) დაფიქსირდა.

შეგახსენებთ, რომ 2026 წლის 30 სექტემბერს ირანის ისლამური რესპუბლიკის ელჩი, სეიედ ალი მოჯანი საქართველოს საგარეო საქმეთა სამინისტროში დაიბარეს „სოციალურ ქსელში გავრცელებულ განცხადებებთან დაკავშირებით“.

საგარეო უწყების ცნობით, მინისტრის მოადგილე ალექსანდრე ხვთისიაშვილმა ირანის ელჩს „განუმარტა, რომ მის მიერ სოციალურ ქსელში გავრცელებული განცხადებები სცდება დიპლომატიური საქმიანობის ფარგლებს“.

ალი მოჯანის პოსტები, რამაც საზოგადოების ნაწილის უკმაყოფილება გამოიწვია, ეხებოდა ქეთევან დედოფალს, ფერეიდნელებს, საქართველოს გადაწყვეტილებას, შეერთებოდა ამერიკულ სანქციებს ირანული ავიაციისადმი, და ა.შ.