რუსმა ოკუპანტებმა ხერსონში უკრაინის მართლმადიდებლური ეკლესიის მღვდელი, სერგეი ჩუდინოვიჩი, გაიტაცეს, რომელიც ცნობილი იყო საზოგადო მოღვაწეობითა და ქველმოქმედებით.

ინფორმაციას ხერსონში მოქმედი მედიაპლატფორმა Вгору ავრცელებს.

ოთხშაბათს, დილის 8:30-ზე უცნობებმა, რომლებმაც თავიანთი თავი მილიციად წარმოადგინეს, გაიტაცეს მართლმადიდებელი მღვდელი, სერგეი ჩუდინოვიჩი. თვითმხილველების ინფორმაციით, მღვდელი პირდაპირ ეკლესიიდან გაიტაცეს. 3-მა უცნობმა პირმა ეკლესიაში ჩხრეკა ჩაატარა, შეამოწმეს მღვდლის მესენჯერი და პირადი დოკუმენტები. ამასთან ერთად თავიანთი დოკუმენტები არ წარმოუდგენიათ და არც ვინაობა გაუმხელიათ. - აღნიშნულია განცხადებაში.