სასაკლაო ბუჩაში - დამნაშავე ყველა პირი უკვე იდენტიფიცირებულია. ირკვევა, რომ ბუჩაში რუსმა ოკუპანტებმა ხაბაროვსკის ოლქის მოტომსროლელთა 64-ე ბრიგადა გადაისროლა. მათი მეთაური აზამბეკ ომურბეკოვია. 

ბოლო მონაცემებით ბუჩაში 340 ცხედარია ნაპოვნი, თუმცა ეს მხოლოდ დასაწყისია. უკრაინელ სამხედროებს 20 მისამართი კიდევ გადასამოწმებელი აქვთ. 

შეგახსენებთ, რომ 1 აპრილს უკრაინელმა სამხედროებმა ქალაქი ბუჩა ოკუპანტებისგან გაათავისუფლეს. 2 აპრილს გავრცელდა ინფორმაცია, რომ ქალაქში მასობრივი სასაფლაო აღმოაჩინეს, სადაც 300-მდე ადამიანი დამარხეს. ბუჩას ქუჩებში ცხედრები იყო მიმოფანტული, რომელთაც ხელები ჰქონდათ შეკრული.

3 აპრილს უკრაინის გენპროკურორმა გაავრცელა ინფორმაცია, რომ კიევის ოლქის ტერიტორიიდან, რომელიც ოკუპანტებისგან იქნა გათავისუფლებული, 410 მშვიდობიანი მოქალაქის ცხედარი გაიტანეს. რუსეთის წინააღმდეგ კიდევ ერთი სამხედრო დანაშაული დოკუმენტაციისთის, ახლა ცხედრებს  სამედიცინო ექსპერტები სწავლობენ.