რომის პაპი  რუსულ სისასტიკეს გმობს -  მან ყოველკვირეულ აუდიენციაზე რუსი ოკუპანტების სისასტიკე დაგმო და ბუჩადან გამოგზავნილი უკრაინის დროშა აღმართა. 

სასკლადქცეულ ბუჩას „მოწამეთა ქალაქი“ უწოდა, ხოლო რუს ოკუპანტების ქმედებებს - ხოცვა-ჟლეტა“

უკრაინაში ომის ბოლოდროინდელმა ამბებმა, ნაცვლად შვებისა და იმედისა, ახალი ისეთი სისასტიკე მოგვიტანა,  როგორიცაა ბუჩას ხოცვა-ჟლეტა. სისასტიკე, რომელიც სულ უფრო და უფრო შემზარავი ხდება, თუნდაც მშვიდობიანი მოსახლეობის, დაუცველი ქალებისა და ბავშვების მიმართ.

ესენი არიან მსხვერპლნი, რომელთა უდანაშაულო სისხლი სამოთხეს უხმობს და ევედრება: "შეაჩერე ეს ომი! იარაღები გაჩუმდეს! შეწყვიტე სიკვდილის და ნგრევის თესვა". გუშინ ბუჩადან მომიტანეს ეს დროშა. ეს არის ომიდან, იმ წამებული ქალაქიდან  - თქვა რომის პაპმა.

ვატიკანის დარბაზში აუდიენციას ესწრებოდნენ უკრაინელი ბავშვები, რომლებიც იძულებულნი გახდნენ, დროებით დაეტოვებინათ სამშობლო მას შემდეგ, რაც რუსეთმა დაიწყო ომი. რომის პაპმა მათ შოკოლადის სააღდგომო კვერცხები გადასცა.