რუსეთის ომს უკრაინაში გენოციდი უწოდა შეერთებული შტატების ყოფილმა პრეზიდენტმა, დონალდ ტრამპმა.  Fox News-ისთვის მიცემულ სატელეფონო ინტერვიუში ყოფილმა პრეზიდენტმა თქვა, რომ "ხალხს მანამდე მსგავსი არაფერი უნახავს".

"ის რაც ხდება უკრაინაში, ეს გენოციდია",- აღნიშნა თეთრი სახლის ყოფილმა ლიდერმა.

უკრაინაში რუსეთის შეჭრას გენოციდი უწოდა შეერთებული შტატების პრეზიდენტმა ჯო ბაიდენმა, კანადის პრემიერ-მინისტრმა ჯასტინ ტრიუდომ და კოლუმბიის პრეზიდენტმა ივან დუკემ.

საფრანგეთის პრეზიდენტმა აღნიშნული ტერმინის გამოყენებისგან თავი სეიკავა და კრიტიკა დაიმსახურა.