5 დაღუპული და ათობით დაშავებული - ოკუპანტებმა ხარკოვში საცხოვრებელი სახლის ეზო დაბომბეს
ხარკოვი ცეცხლის ალშია. რუსულმა არმიამ სარაკეტო იერიში ერთ-ერთი საცხოვრებელი კორპუსის ეზოზე იმ დროს მიიტანა, როდესაც იქ ადგილობრივები იყვნენ შეკრებილები. წინასწარი ინფორმაციით, გარდაცვლილია 5 და დაშავებულია ათობით ადამიანი. დაღუპულების ცხედრები ეზოში იყო მიმოფანტული.
ცოტა ხნის წინ ქალაქიდან ოფიციალურმა პირებმა გაავრცელეს ცნობები, რომ გასროლა რეაქტიული სარაკეტო სისტემებით განხორციელდა. მათი თქმით, პუტინის მიზანს ხარკოვის განადგურება წარმოადგენს.
