უკრაინის ბევრ რეგიონში საჰაერო განგაშია გამოცხადებული. დაიბომბა ოდესა, რუსებმა რაკეტები ზღვიდან გაისროლეს. სტრატეგიული თვითმფრინავით ოდესის რაიონზე სარაკეტო თავდასხმის შედეგად  ტურისტული ინფრასტრუქტურის ობიექტები და სახლები განადგურდა.

წინასწარი ინფორმაციით, დაიჭრა 2 მშვიდობიანი მოქალაქე,  მძიმედ დაშავებულია მცირეწლოვანი ბავშვი. 

ასევე დღეს დილით, რუსეთის ფედერაციის ჯარებმა ცეცხლი გაუხსნეს ნიკოლაევის ინგულსკის რაიონს. ხანძარი ავეჯის მაღაზიასა და ავტომობილებს გაუჩნდა. აფეთქების ადგილთან იპოვეს სარაკეტო ყუმბარმტყორცნის ნარჩენები..  

ლუგანსკის რეგიონალური სამხედრო ადმინისტრაციის ხელმძღვანელი, სერგეი გაიდაი, იტყობინება, რომ დაბომბვა გრძელდება. წინასწარი ინფორმაციით, ბოლო დაბომბვის შედეგად დაიღუპა ორი და დაშავდა ორი ადამიანი. დაზიანებული ინფრასტრუქტურა.

დონეცკის რეგიონს ესროლეს  საჰაერო ბომბებით, რაკეტებით, - ოკუპანტებმა ცეცხლი გაუხსნეს 10 დასახლებას. არიან დაღუპულები და დაჭრილები. განადგურდა 36 სამოქალაქო შენობა - სახლები, მეჩეთი, ქარხანა, კაფე და კრიტიკული ინფრასტრუქტურა.