სევეროდონეცკში ქუჩის ბრძოლებია. ოკუპანტები ქალაქის სიღრმეში შეღწევას ცდილობენ. ინფომაციას ლუგანსკის ოლქის სამხედრო ადმინისტრაციის ხელმძღვანელი ავრცელებს.

სერგეი გაიდაის თქმით, სევეროდონეცკში კრიტიკული ინფრასტრუქტურა სრულად განადგურებულია, დაზიანებულია საცხოვრებელი ფონდის 90%. მისივე ცნობით, ქალაქი ცხედრებით გადაივსო, გარეთ კი ცხელა, რამაც შესაძლოა, ინფექციის გავრცელება გამოიწვიოს. 

ამასთანავე, სევეროდონეცკში დაკარგულია სამი ექიმი, ნაპოვნია მხოლოდ სასწრაფო დახმარების ავტომობილი, რომელიც დაზიანებულია.