ტეხასის შტატში, სატვირთო ავტომობილში 46 ადამიანის ცხედარი იპოვეს. გავრცელებული ინფორმაციით, დაღუპულები მიგრანტები იყვნენ.  ინფორმაციას ტელეარხი ABC ავრცელებს. 

ფურგონში დაღუპულების გარდა, ცოცხალი ადამიანებიც იმყოფებოდნენ. 16 დაშავებული ჰოსპიტალიზირებულია. აქედან 4 ბავშვია. მათ გადახურების სიმპტომები აღენიშნებოდათ. სან ანტონიოს სახანძრო დეპარტამენტის ხელმძღვანელის ცნობით, მანქანაში წყალი და კონდიცირება არ იყო.

ხელისუფლებამ მომხდარზე გამოძიება უკვე დაიწყო. ტეხასის გუბერნატორმა გრეგგ ებოთმა ინციდენტში აშშ-ს პრეზიდენტი ჯო ბაიდენი დაადანაშაულა. შტატების მეთაური ფიქრობს, რომ აღნიშნული ბაიდენის მიერ საემიგრაციო პოლიტიკის შერბილებამ გამოიწვია. 

ეკონომიკური სიდუხჭირის ფონზე შტატებში ემიგრანტების ნაკადმა მაქსიმალურ ციფრებს მიაღწია.