"მაისის ბოლომდე აშშ-ში ყველა ზრდასრული აიცრება" - ბაიდენი
ამერიკის შეერთებული შტატების პრეზიდენტი აცხადებს, რომ აშშ-ში მაისის ბოლომდე ყველა ზრდასრული ადამიანი აცრილი იქნება.
ბაიდენის თქმით, ვაქცინაციის პროცესი დაჩქარდა და ვაქცინის ბოლო დოზებს ამერიკელები დაგეგმილზე 2 თვით ადრე მიიღებენ. აშშ-ს პრეზიდენტი მიიჩნევს, რომ პრიორიტეტია მასწავლებლების ვაქცინაცია.
ეს არის გვირაბის ბოლოს სინათლე, ჩვენ დავამარცხებთ ვირუსს და აღვადგენთ ეკონომიკას - განაცხადა ბაიდენმა.
ცნობისთვის, ,,ჯონსონ ენდ ჯონსონის" ვაქცინამ ავტორიზაციის პროცესი წარმატებით გაიარა, სწორედ ამ ვაქცინით მოხდება მოსახლეობის აცრა მაისის თვეში.
