კიევში დაღუპულთა რიცხვი გაიზარდა. ქალაქის ცენტრში დაბომბილი სახლის ნანგრევებში კიდევ სამი ცხედარი იპოვეს. დედაქალაქის მერის ინფორმაციით, დაღუპულია ორსული ქალი და მისი მეუღლე. ვიტალი კვლიჩკოს ცნობით, ქალი ორსულობის მე-6 თვეს ითვლიდა. 

ამასთან, ქალაქის მერი იტყობინება, რომ კამიკაძე დრონების ჩამოგდების შედეგად 4 ადამიანი დაშავდა. 

შეგახსენებთ, რომ გამთენიისას ოკუპანტებმა იერიშები უკრაინის დედაქალაქზე მიიტანეს. პუტინმა კიევი ირანული დრონებით დაბომბა. იერიშების შედეგად შევჩენკოს რაიონში ხანძარი გაჩნდა.