უკრაინაზე რუსეთის მასობრივი სარაკეტო იერიშის შედეგად მოლდოვაში ელექტროენერგია გაითიშა.  ქვეყნის პრეზიდენტი, მაია სანდუ წერს, რომ "რუსეთმა მოლდოვა სიბნელეში დატოვა". 

მოლდოვის ინფრასტრუქტურის მინისტრის, ანდრეი სპინუს ინფორმაციით, ქვეყნის 50%-ზე მეტს ახლა შუქი არ აქვს.

 "მასიური გათიშვა მოლდოვაში, რუსეთის მიერ უკრაინის ენერგეტიკულ ინფრასტრუქტურაზე თავდასხმის შემდეგ. მოლდელექტრიკა მუშაობს, რომ აღადგინოს ქვეყნის ელექტროენერგიის 50%-ზე მეტი", - წერს მინისტრი ტვიტერზე.