ოკუპანტები ნიკოპოლს მთელი ღამის განმავლობაში ბომბავდნენ - დანგრეულია სახლები
რუსები ნიკოპოლს მთელი ღამის განმავლობაში ბომბავდნენ. ამის შესახებ დნეპროპეტროვსკის საოლქო-სამხედრო ხელმძღვანელმა, ვალენტინ რეზნიჩენკომ განაცხადა.
მისი თქმით, რაიონულ ცენტრში 30-ზე მეტი ჭურვი დაეცა, მაგრამ არავინ დაშავებულა.
„დაზიანებულია ოცამდე კერძო სახლი, სამეურნეო შენობები, ელექტრო ქსელები და გაზსადენები. დაზიანებულია მზის 50 პანელი“, - აცხადებს ვალენტინ რეზნიჩენკო.
თავდასხმას მსხვერპლი არც ჩერვონოგრიგოროვკასა და მარგანეცის თემებში მოჰყოლია.