18 დან 60 წლამდე 60 მოხალისე ნებაყოფლობით იღებს მონაწილეობას კომპანია Pfizer -ის ექსპერიმენტში, რომელიც კოვიდის საწინააღმდეგო აბის ეფექტურობას იკვლევს - ამის შესახებ Telegraph იუწყება. 

ექსპერიმენტი ერთდროულად ამერიკასა და ბელგიაში მიმდინარეობს. თუ ის წარმატებით დასრულდება, კოვიდის საწინააღმდეგო აბი ხელმისაწვდომი წლის ბოლოს გახდება.

Pfizer -ის საექსპერიმენტო ლაბორატორიებში იტესტება კოვიდის საწინააღმდეგო ახალი პრეპარატი, სახელწოდებით  PF 07321332.

,,თუ ექსპერიმენტის შემდგომ სტადიაზე გადავალთ, მხოლოდ მცირე ოპტიმიზმი გამიჩნდება" -  აღნიშნა  ექსპერიმენტზე სპეციალურად მოწვეულმა ფარმაცევტული მედიცინის ლონდონის სამეფო კოლეჯის პროფესორმა, პენი უორდმა, რომელიც პრეპარატ ,,ტამიფლიუ"-ს შემქნელია.

Pfizer აცხადებს, რომ კორონავირუსის საწინააღმდეგო აბი გამოირჩევა მძლავრი ანტივირუსული ზემოქმედებით და ის ეფექტურია  კორონას სხვა შტამების მიმართაც, ასევე, პანდემიის მოსალოდნელ გამოწვევებსაც გაუმკლავდება.

PF-07321332 -ის დანიშვნა და მოხმარება შესაძლებელი იქნება ინფექციის პირველივე სიმპტომის გამომჟღავნებისას,  ჰოსპიტალიზაციის გარეშეც,- აღნიშნა მაიკლ დოსტენმა, რომელიც  Pfizer-ის კვლევებისა და ექსპერიმენტების ლაბორატორიის მთავარი მეცნიერ-თანამშრომელია. 

PF-07321332-ის აბის ზემოქმედების ექსპერიმენტი სამ ეტაპად 145 დღის განმავლობაში უნდა განხორციელდეს, ამას კიდევ ემატება 28 დღე სკრინინგისა და დოზირებისთვის.