საერთაშორისო სავალუტო ფონდის ხელმძღვანელის, კრისტალინა გეორგიევას თქმით, გლობალური ეკონომიკის დიდი ნაწილისთვის 2023 წელი რთული იქნება.

მისივე განცხადებით, გლობალური ზრდის მთავარი ძრავები აშშ, ევროპა და ჩინეთი - ეკონომიკურ ვარდნას განიცდიან.

კრისტალინა გეორგიევას თქმით, 2023 წელი "უფრო რთული" იქნება. 

„ახალი წელი იქნება უფრო რთული, ვიდრე ის წელი, რომელსაც უკან ვტოვებთ. რატომ? იმიტომ, რომ სამი დიდი ეკონომიკა - აშშ, ევროკავშირი და ჩინეთი - ერთდროულად განიცდიან ეკონომიკურ ვარდნას”, - თქვა გეორგიევამ.

მოსალოდნელი რეცესიის მიზეზი რუსეთ-უკრაინის ომი, მზარდი ფასები, მაღალი საპროცენტო განაკვეთები და ჩინეთში COVID-19-ის გავრცელებაა.