ბროვარში ვერტმფრენის ჩამოვარდნას უკრაინის შს მინისტრი ემსხვერპლა. დაღუპულია კიდევ 18 ადამიანი. ინფორმაციას უკრაინის ნაციონალური პოლიციის ხელმძღვანელი იგორ კლიმენკო ავრცელებს. 

სულ ცნობილია 16 დაღუპულის შესახებ, ორი მათგანი ბავშვია. მათ შორის, 9 ადამიანი ვერტმფრენის ბორტზე იმყოფებოდა. კიდევ 22 დაშავებული საავადმყოფოშია გადაყვანილი, აქედან 10 ბავშვია, - წერს კლიმენკო. 

უკრაინის საჰაერო ძალების სპიკერის იური იგნატის ცნობით, აღნიშნული ვერტმფრენის უკრაინის საგანგებო სიტუაციების საჭიროებებისთვის იყო  განკუთვნილი. 

ტრაგედიის მიზეზი ჯერჯერობით უცნობია. მომხდარზე გამოძიება მიმდინარეობს.