24 საათში დაბომბილი უკრაინის 8 ოლქი - არიან გარდაცვლილები და დაშავებულები

14.02.23 14:42
24 საათში დაბომბილი უკრაინის 8 ოლქი - არიან გარდაცვლილები და დაშავებულები

დონეცკი, ხერსონი, ხარკოვი, სუმი, მიკოლაივი, ჩერნიჰივი, ზაპოროჟიე და ლუჰანსკი დაბომბეს - ბოლო 24 საათი უკრაინისთვის მძიმე იყო.

ადგილობრივი ადმინისტრაციების ინფორმაციით, დაბომბვის შედეგად დაიღუპა 3 ადამიანი და დაშავდა ექვსი. 

ხერსონის რეგიონს რუსებმა 54-ჯერ დაარტყეს. დაბომბეს საცხოვრებელი სახლები და რკინიგზა. თავდასხმის შედეგად დაღუპულია 2 ადამიანი, დაშავებულია სამი. 

ერთი სამოქალაქო პირი შეეწირა რუსულ თავდასხმას ქალაქ სტავკიში, რომელიც დონეცკის ოლქში მდებარეობს. ოლქის გუბერნატორის ინფორმაციით, რეგიონში რუსებმა 15 დასახლება დაბომბეს. 

სამოქალაქო ინფრასტრუქტურა დაიბომბა ზაპოროჟიეს 18 დასახლებაშიც.