ყირგიზეთის ყოფილი პრეზიდენტი ციხიდან გაუშვეს. ალმაზბეკ ატამბაევს უზენაესმა სასამართლომ სასჯელი გაუუქმა და საზღვარგარეთ მკურნალობის უფლება მისცა.

"როიტერის" ინფორმაციით, სასამართლომ ახლად გამოვლენილი გარემოებების გამო ექს-პრეზიდენტის საქმის გადახედვა ქვედა ინსტანცის სასამართლოს დაავალა.

ატამბაევს 11 წლით პატიმრობა "კანონიერი ქურდის" ციხიდან უკანონოდ გათავისუფლების საქმეზე ჰქონდა მისჯილი. მედია წერს, რომ 66 წლის ატამბაევმა ქვეყანა უკვე დატოვა.