საჰაერო დარტყმები ღაზაში - დაღუპულთა შორის 31 ბავშვია
ღაზას სექტორში ისრაელის საჰაერო დარტყმები გრძელდება. იერიშების შედეგად გარდაცვლილთა რიცხვი 113-მდე გაიზარდა.
მსხვერპლთა შორის 31 ბავშვია. დაშავებულთა რაოდენობა 500-ს აღემატება.
მსხვერპლთა რაოდენობა გაზრდილია ისრაელშიც. ღაზას სექტორიდან განხორციელებულ სარაკეტო დარტყმებს შვიდი ადამიანი ემსხვერპლა, მათ შორის 2 ბავშვი. ისრაელის თავდაცვის სამინისტრო ღაზას სექტორში სახმელეთო ოპერაციის დაწყებას არ გამორიცხავს. ისრაელიდან გაგზავნილმა ჯარმა, რომელიც საზღვართანაა განთავსებული, საარტილერიო ცეცხლი გახსნა.