ატლანტის ოკეანეში გაუჩინარებულ წყალქვეშა ნავში ჟანგბადის რაოდენობა, სავარაუდოდ, ამოიწურა. ხომალდის სამძებრო სამუშაოები ახლაც გრძელდება.

"ტიტანიკის" ფრაგმენტების დასათვალიერებლად ნავით წასულ ტურისტებთან კონტაქტზე გასვლა უკვე რამდენიმე დღეა ვერ ხერხდება. წყალქვეშა ნავის ბორტზე 5 ადამიანი იმყოფება.

ცნობილია, რომ ჟანგბადის მარაგიდან გამომდინარე გემს 70-დან 96 საათამდე  შეეძლო წყალქვეშ ყოფნა. გემი კვირას ჩაეშვა, კონტაქტი კი ჩაშვებიდან დაახლოებით ორ საათში გაწყდა.