დიდი გაურკვევლობა რუსეთში - ევგენი პრიგოჟინი რუსულ არმიას "ვაგნერის" ბანაკებზე სარაკეტო თავდასხმაში ადანაშაულებს .
პრიგოჟინის მტკიცებით, დაღუპულია დაქირავებულ მებრძოლთა დიდი რაოდენობა დაიღუპა.
პრიგოჟინი არ ახმაურებს, სად იყო ბანაკები განთავსებული ან როგორ განხორციელდა მათზე სარაკეტო დარტყმა.
"მოგვატყუეს, ცდილობდნენ საკუთარი სახლების დაცვის შესაძლებლობა წაერთმიათ. მზად ვიყავით თავდაცვის სამინისტროსთან დათმობებზე წავსულიყავით, გვეპოვა გამოსავალი, როგორ გაგვეგრძელებინა ქვეყნის დაცვა. მაგრამ ეს ნაძირალები არ გაჩერდნენ. დღეს, როცა დაინახეს, რომ არ ვართ გატეხილები, მათ განახორციელეს სარაკეტო თავდასხმები ჩვენს ბანაკებზე" - ამბობს პრიგოჟინი აუდიოჩანაწერში, რომელიც ტელეგრამ არხზე ვრცელდება.
პრიგოჟინის ბრალდებას რუსეთის თავდაცვის სამინისტრო უკვე გამოეხმაურა. ოფიციალური უწყება, "ვაგნერის" ბანაკებზე თავდასხმას უარყოფს.
"ევგენი პრიგოჟინის სახელით სოციალურ ქსელებში გავრცელებული ყველა ინფორმაცია და ვიდეო კადრი "რუსეთის თავდაცვის სამინისტროს მიერ ვაგნერის უკანა ბანაკებზე დარტყმის შესახებ" არ შეესაბამება რეალობას და წარმოადგენს ინფორმაციულ მანიპულაციას", წერია განცხადებაში.
