EU უკრაინის არმიის მხარდასაჭერად €20 მილიარდიანი ფონდის შექმნას გეგმავს - ამის შესახებ ინფორმაციას გამოცემა Politico ხუთ დიპლომატზე დაყრდნობით ავრცელებს. 

Politico-ს თქმით, ფონდით უკრაინისთვის იარაღის პირდაპირი მიწოდება არ იგეგმება. 

სტატიაში ასევე აღნიშნულია, რომ სამხედრო დაფინანსების შესახებ ახალი წინადადება EU-ს ქვეყნებს განსახილველად ორშაბათს უკვე გადაეგზავნა და მას ევროკავშირის საგარეო საქმეთა მინისტრები, ხუთშაბათს, ბრიუსელში გამართულ შეხვედრაზე განიხილავენ. Politico-ს ორი წყაროს თქმით, მიზანი შემოდგომისთვის ამ წინადადების მიღებაა.