ტაილანდში პიროტექნიკის საწყობის აფეთქებას 10 ადამიანი ემსხვერპლა. კიდევ 100 დაშავებულია. ინფორმაცია საერთაშორისო მედიაში ვრცელდება.

ცნობილია, რომ აფეთქება პროვინცია ნარათხივათში მოხდა. ადგილობრივი ხელისუფლების ინფორმაციით, აფეთქების გამო 100-ზე მეტი სახლი დაზიანდა, მინიმუმ 118 ადამიანი კი დაშავდა.

ადგილობრივი მთავრობა ვარაუდობს, რომ აფეთქების მიზეზი შესაძლოა, საწყობში მიმდინარე სამშენებლო სამუშაოები გამხდარიყო.