უკრაინის უსაფრთხოების გარანტიაზე G7-ის დეკლარაციას ლიეტუვა, ლატვია და ესტონეთი შეუერთდნენ. ინფორმაციას ამის შესახებ ესტონეთის პრემიერმინისტრი კაია კალასი ავრცელებს.

"ესტონეთი, ლიეტუვასთან და ლატვიასთან ერთად, უერთდება უკრაინის მხარდამჭერ დიდი შვიდეულის დეკლარაციას. ჩვენ გავაგრძელებთ უკრაინის მხარდაჭერას გამარჯვებამდე. ჩვენ მხარს დავუჭერთ უკრაინას NATO-სა და ევროკავშირის გზაზე", - წერს კაია კალასი Twitter-ზე.