ამერიკის ყოფილი პრეზიდენტი, დონალდ ტრამპი მოქმედ პრეზიდენტს აკრიტიკებს და ამბობს, რომ სისასტიკე ისრაელში არასდროს მოხდებოდა, ის რომ პრეზიდენტი ყოფილიყო. 

"სისასტიკეს, რასაც ჩვენ ვხედავთ ისრაელში, არასდროს მოხდებოდა, მე რომ პრეზიდენტი ვყოფილიყავი", - თქვა მან წინასაარჩევნო გამოსვლისას.

ბაიდენმა განაცხადა, რომ შტატები ისრაელის ხალხის გვერდით დგას და ყველაფერში დაეხმარება, რაც მას სჭირდება.

მიუხედავად ამისა, რესპუბლიკელები აკრიტიკებენ ბაიდენს, ბოლო გარიგების გამო, რომელიც აშშ-ის მიერ ირანის კუთვნილი 6 მილიარდი დოლარის ღირებულების აქტივებს განბლოკვას ითვალისწინებდა, სანაცვლოდ კი აშშ-ის 5 მოქალაქე გათავისუფლდა.