ლიბანიდან ჩრდილოეთ ისრაელზე განხორციელებულ სარაკეტო თავდასხმაზე პასუხისმგებლობა ღაზის სექტორში დაფუძნებულმა ტერორისტულმა დაჯგუფება "ჰამასმა" აიღო. აღიარებითი განცხადება ტერორისტულმა დაჯგუფებამ გაავრცელა.

განცხადებაში წერია, რომ მათმა ლიბანურმა განშტოებამ ისრაელის მიმართულებით 30-მდე რაკეტა გაისროლა.

"ჰამასის" განცხადებამდე ისრაელის თავდაცვის ძალებმა გაავრცელა ინფორმაცია, რომ ლიბანიდან ნაჰარიიასა და მიმდებარე დასახლებების მიმართულებით 20-მდე რაკეტა ისროლეს, რასაც ისრაელელმა სამხედროებმა საარტილერიო ცეცხლით უპასუხეს.