ისრაელი თუ არ შეწყვეტს სამაგიერო იერიშს ღაზის სექტორში, ჰამასის წინააღმდეგ, აშშ-იც "არ იქნება დაცული ამ ცეცხლისგან" - ეს განცხადება ირანის საგარეო საქმეთა მინისტრმა, ჰოსეინ ამირ-აბდოლაჰიანმა გაეროში გააკეთა. 

ამირ-აბდოლაჰიანი ამ გაფრთხილებით გაეროს გენერალურ ასამბლეაზე გამოვიდა და ახლო აღმოსავლეთის შესახებ ისაუბრა. მისი თქმით, ირანი არ მიესალმება რეგიონში ომის გაფართოებას და მზად არის "თავისი როლი შეასრულოს" ჰუმანიტარულ ძალისხმევაში.