ჯანდაცვის მსოფლიოს ორგანიზაციამ ღაზის სექტორში მყოფ თანამშრომლებთან კონტაქტი დაკარგეს - ინფორმაციას გენერალური დირექტორი, ტედროს გებრეისესუსი ავრცელებს.

მისი თქმით, ღაზის სექტორში დაბომბვის შესახებ ცნობები მძიმეა.

ღაზაში ინტენსიური დაბომბვის შესახებ ცნობები უკიდურესად შემაშფოთებელია. ჩვენ ჯერ კიდევ არ გვაქვს კონტაქტი ჩვენს პერსონალთან და სამედიცინო დაწესებულებებთან. მე ვდარდობ მათ უსაფრთხოებაზე - აღნიშნა მან.